ការរកឃើញនៃរបាយការណ៍នេះ ផ្តល់ភស្តុតាងអំពីការប្រើប្រាស់ថ្នាំជក់ក្នុងចំណោមសិស្សរៀនថ្នាក់ទី៧ ដល់ថ្នាក់ទី១២ ដែលមានអាយុ១៣ ដល់១៥ឆ្នាំ ហើយស្នើឡើងនូវកម្មវិធីអន្តរាគមន៍ប្រយុទ្ធប្រឆាំងជាមួយការរីករាលដាលនៃថ្នាំជក់ ក្នុងចំណោមយុវជនក្នុងប្រទេសកម្ពុជា។
លទ្ធផលដែលបានមកពីការអង្កេតជាសកលស្តីពីការប្រើប្រាស់ថ្នាំជក់ក្នុងចំណោមយុវវ័ត ក៏ជាឯកសារដ៏មានសារៈប្រយោជន៍ ដើម្បីបង្ហាញឱ្យឃើញនូវការផ្លាស់ប្តូរលើសូចនាករផ្សេងៗនៃវិធានការត្រួតពិនិត្យថ្នាំជក់ ដូចជាប្រេវ៉ាឡង់ការប្រើប្រាស់ថ្នាំជក់ ចំណេះដឹង និងឥរិយាបថការស្រូបផ្សែងបារីដោយអចេតនា (SHS) ប្រព័ន្ធផ្សព្វផ្សាយ និងការផ្សាយពាណិជ្ជកម្ម ដើម្បីពិនិត្យតាមដានលើការអនុវត្តបទប្បញ្ញត្តិនានានៅក្នុងលិខិតបទដ្ឋានគតិយុត្តត្រួតពិនិត្យថ្នាំជក់ ព្រមទាំងមាត្រាពាក់ព័ន្ធនៃអនុសញ្ញា ស្តីពីការត្រួតពិនិត្យថ្នាំជក់របស់អង្គការសុខភាពពិភពលោក។